CSO DePo Program "CSO Sustainability Strategy" Grant (Armenian)

ԵՀՀ-ն, ԱՄՆ ՄԶԳ կողմից ֆինանսավորվող «ՀԿ Դեպո – Հասարակական կազմակերպությունների զարգացման ծրագրի» շրջանակներում հրավիրում է Հայաստանի հասարակական կազմակերպություններին մասնակցելու «ՔՀԿ-ների կայունության ռազմավարություն» դրամաշնորհային ծրագրին։​

Դրամաշնորհները կտրամադրվեն երկու ուղղություններով ա) ՀԿ-ների կազմակերպական զարգացման` առանձին ՔՀԿ-ների կայունության ռազմավարությունների  իրագործման նպատակով, բ) ՔՀԿ ոլորտի զարգացման` ՔՀԿ-ների կայունությանը նպաստող միջոցների, ռեսուրսների կամ միջավայրի ձևավորման նպատակով։

• Ուղղություն 1. Կազմակերպական զարգացման դրամաշնորհներ առանձին ՔՀԿ-ների կայունությանը նպաստող կազմակերպական կարողությունների զարգացման համար։ Յուրաքանչյուր դրամաշնորհի բյուջեն.  2 500 000 – 3 000 000 ՀՀ դրամ։
• Ուղղություն 2. ՔՀԿ ոլորտի զարգացման դրամաշնորհներ ամբողջ ՔՀԿ սեկտորի համար կարևոր խնդիրների լուծման և ՔՀԿ-ների խմբերի ու ցանցերի զարգացմանը նպաստող համակարգերի, գործիքների ստեղծում։ Յուրաքանչյուր դրամաշնորհի բյուջեն.  2 500 000 – 7 000 000 ՀՀ դրամ:

​Դրամաշնորհի հիմնական պայմանները.

• Դիմումների ներկայացման վերջնաժամկետը – 2017 թ., հոկտեմբերի 2-ը
• Բյուջեն.  ուղղություն 1 - 2 500 000 –3 000 000 ՀՀ դրամ, ուղղություն 2 - 2 500 000 - 7 000 000 ՀՀ դրամ 
• Ծրագրի տևողությունը.  մինչև 9 ամիս
• Ծրագրի իրականացման ժամանակամիջոցը.  մինչև 2018 թ.-ի նոյեմբերի 30-ը։

Դրամաշնորհի մանրամասն պայմաններն՝ այստեղ

Դրամաշնորհային հայտի փաթեթը կարող եք ներբեռնել այս հղումով – հավելված 1

Դրամաշնորհայի բյուջեի ձևը կարող եք ներբեռնել այս հղումով – հավելված 2

Տեղեկատվական հանդիպում կկայանա ԵՀՀ-ի Երևանյան գրասենյակում՝ Ազատության 1/21, բն 22, սեպտեմբերի 8-ին, ժամը՝ 15։00։

Ձեր հարցերը կարող եք ուղղել «ՀԿ Դեպո» ծրագրի աշխատակիցներ Վազգեն Կարապետյանին` [email protected], կամ 091-43-88-38  հեռախոսահամարով, կամ Գայանե Մկրտչյանին [email protected] էլ. փոստով կամ 095-25-15-68 հեռախոսահամարով։

Տեղեկատվական հանդիպումների ժամանակացույցը հետևյալն է. 

- Երևանում՝ ԵՀՀ-ի Երևանյան գրասենյակում (Ազատության պող. 1/21, բն. 23, քարտեզ) -սեպտեմբերի 8-ին, ժ. 14։00 և սեպտեմբերի 13-ին, ժ. 16:00

- Մարտունիում՝ Մարտունու Կանանց Համայնքային Խորհուրդ ՀԿ-ի գրասենյակում - սեպտեմբերի 11-ին, ժ. 14։00

- Գորիսում՝ Գորիսի Մամուլի Ակումբ ՀԿ-ի գրասենյակում  - սեպտեմբերի 14-ին, ժ. 14։00

- Նոյեմբերյանում՝  Համայնքային զարգացման կենտրոնի գրասենյակում - սեպտեմբերի 15-ին, ժ. 14։00:

«ՀԿ Դեպո» ծրագրի աշխատակազմը սիրով սպասում է Ձեր հայտերին։ 

Հաջողություն ենք մաղթում։

• Դրամաշնորհի մանրամասն պայմաններ