Center for Legal Initiatives Looks for Communications Specialists (Armenian)

Ընտրված մասնագետից ակնկալվում է.

• Մշակել և իրագործել կազմակերպության արտաքին հաղորդակցության ռազմավարությունը:
• Մշակել և իրականացնել կազմակերպության հանրային կապերին և արտաքին հաղորդակցությանը վերաբերող գործողություններ:
• Կազմակերպության գործունեությունը և արդյունքները ներկայացնել հանրությանը,  շահագրգիռ կողմերին և թիրախային խմբերին:
• Թարմացնել կազմակերպության ֆեյսբուքյան էջը և կայքը, նպաստել հետևորդների թվի կայուն աճին, հետևել գրառումներին և մեկնաբանություններին:
• Մշակել և ներկայացնել կատարված աշխատանքի հաշվետվությունները:

Թափուր հաստիքին դիմող անձը պետք է ունենա հետևյալ որակավորումները.

• Մասնագիտական բարձրագույն կրթություն և/կամ խորացված վերապատրաստում հաղորդակցության և հանրային կապերի ոլորտում,
• Նվազագույնը 2 տարվա մասնագիտական աշխատանքի փորձ հաղորդակցության և հանրային կապերի ոլորտում,
• Հայերեն գրավոր խոսքի գերազանց իմացություն:

Քրեակատարողական ոլորտի գործունեության փորձը կդիտվի որպես առավելություն:

 

Լրացուցիչ հմտություններ

• Հետևողականություն և արդյունքներին միտված աշխատանք
• Զանգվածային լրատվամիջոցների հետ աշխատանքի փորձ
• Սոցիալական մեդիագրագիտություն
• Սոցիալական մեդիայի մարքեթինգի իմացություն
• Ստեղծագործական միտք
• Կազմակերպչական հմտություններ
• Կոնֆլիկտների հաղթահարման և լուծման հմտություններ
• Թիմային աշխատանքի հմտություններ
• Հաշվետվությունների պատրաստման հմտություններ
• Համագործակցման և հաղորդակցման գերազանց հմտություններ
• Պրոդուկտներ և  պրոմո նյութերի մշակման հմտություններ
• Կազմակերպչական հմտություններ

Դիմելու ընթացակարգ

Դիմելու համար անհրաժեշտ է մինչև 2021թ. հունիսի 20-ը [email protected] և [email protected] էլեկտրոնային հասցեներին ներկայացնել

• Ինքնակենսագրություն
• Հետաքրքրվածության նամակ
• 2 երաշխավոր անձի տվյալներ (անուն, ազգանուն, զբաղվածության ոլորտ, հեռ համար, էլ. հասցե)
• Մատուցվող ծառայությունների գնային առաջարկ (Տե՛ս կից ֆայլում)

 

Լրացուցիչ տեղեկությունների համար կարող եք զանգահարել 055 155 300 հեռախոսահամարով կամ գրել վերոնշյալ էլ. հասցեներով։

Առաջին փուլը անցած դիմորդները կհրավիրվեն հարցազրույցի:

 

Ծրագրի մասին

«Իրավական նախաձեռնությունների կենտրոն» հասարակական կազմակերպությունը 2021թ. հունիսի 1-ից մեկնարկել է «Մարդիկ ճաղերից այն կողմ. ամրապնդելով ազատազրկված անձանց և հասարակության միջև կապը» ծրագրի իրականացումը:

Ծրագրի նպատակն է մեդիա հարթակի միջոցով նպաստել ազատազրկված անձանց, նրանց ընտանիքների և հասարակության միջև կապի ամրապնդմանը: 

Մեդիա հարթակում կներկայացվեն ազատազրկված անձանց հիմնախնդիրները հանրայնացնող տեսաֆիլմեր, ֆոտոպատմություններ և հոդվածներ, որոնք հնարավորություն կտան խորը պատկերացում կազմել ազատազրկված անձանց կյանքի և փորձառության մասին:

Ակնկալում ենք, որ ընտրված մոտեցման շնորհիվ կբարձրանա հասարակության զգայունությունն ու իրազեկվածությունն ազատազրկված անձանց խնդիրների շուրջ, որոնց նրանք կամ նրանց ընտանիքի անդամներն առնչվում են: Դա իր հերթին կնպաստի ազատազրկված անձանց նկատմամբ հասարակության վերաբերմունքի փոփոխությանը՝ նպաստելով կրկնահանցագործության նվազեցմանը և նրանց վերաինտեգրմանը:

Ծրագիրն իրականացվում է Պրահայի քաղաքացիական հասարակության կենտրոնի աջակցությամբ:

«Իրավական նախաձեռնությունների կենտրոն» հկ-ն հիմնադրվել է 2017թ.-ին: Կազմակերպության առաքելությունն է աջակցել այնպիսի իրավական պետության ձևավորմանը, որտեղ մարդը, նրա արժանապատվությունը, իրավունքները և ազատությունները ճանաչված են որպես բարձրագույն արժեքներ:

Կազմակերպության գործունեության առանցքում ազատազրկված անձանց իրավունքների պաշտպանությունն է: Այդ ուղղությամբ իրականացվել մի շարք ծրագրեր:

Կազմակերպության գործունեությանը կարող եք ծանոթանալ ֆեյսբուքյան էջում՝ https://www.facebook.com/legalinitiativesngo: